ग्राण्डी अस्पतालबाट डिस्चार्ज भए प्रधानमन्त्री ओली
काठमाडौँ, १४ कात्तिक । दुई दिन देखि धापासीस्थित ग्राण्डी अस्पतालमा उपचार गराईरहेका प्रधानमन्त्री केपी शर्मा ओली डिस्चार्ज भएका छन् । केही बेर अघि उनी आफ्ना सहयोगी र सुरक्षाकर्मीका साथ बालुवाटार फर्केका छन् ।
मिर्गौलामा समस्या देखा परेपछि प्रधानमन्त्री ओलीलाई हिजो विहान ९ बजे ग्राण्डी अस्पताल पुरयाइएको थियो । उनको त्यहाँ हिजो र आज गरी दुईपटक हेमोडायालसिस समेत गरिएको थियो । उपचारमा प्रगति भएपछि प्रधानमन्त्री ओलीलाई डिस्चार्ज गरिएको अस्पतालले जनाएको छ ।
अस्पतालबाट बाहिरिने क्रममा प्रधानमन्त्री ओलीले सञ्चारकर्मीलाई आफू ठिक रहेको प्रतिक्रिया मात्रै दिए ।
१२ बर्ष अघि मिर्गौला प्रत्यारोपण गराएका प्रधानमन्त्री ओलीको स्वास्थ्य समस्या छिटो छिटो बल्झिरहेको छ ।
सम्पर्क इमेल : nepalihealthnews@gmail.com