काठमाडौँ, २४ भदौ । स्वास्थ तथा जनसंख्या राज्यमन्त्री डा सुरेन्द्र कुमार यादवले एसिड आक्रमणमा घाइते भएकी मुस्कान खातुनको स्वास्थ्य अवस्थाबारे जानकारी लिएका छन् । राज्यमन्त्री डा यादवले आज कीर्तिपुर अस्पताल पुगी खातुनको अवस्थाबारे जानकारी लिएका हुन् ।

सो क्रममा उनले खातुनेको उपचारमा कुनै कसर बाँकी नराख्न अस्पताललाई निर्देशन दिएका छन् ।

वीरगञ्जस्थित हनुमान माध्यमिक विद्यालयमा अध्ययनरत खातुनमाथि गत शुक्रबार एसिड प्रहार भएको थियो । हाल उनको अवस्था खतरामुक्त भएको छ ।

यस्तै समाजवादी पार्टीका संघीय सांसद प्रदीप यादवले एसिड आक्रमणबाट घाइते खातुनको उपचारका लागि ५० हजार रुपैयाँ दिएका छन् ।

उता प्रदेश २ का मुख्य मन्त्री लालबाबु रावत ले प्रदेश सरकारका तर्फबाट पाँच लाख रुपैयाँ सहयोग गर्ने निर्णय गरेका छन् ।