प्रधानमन्त्री ओलीको स्वास्थ्य अवस्था सामान्य : निजी चिकित्सक
काठमाडौँ, २० भदौ । सिंगापुरबाट उपचार गरि फर्केका प्रधानमन्त्री केपी ओलीको स्वास्थ्य अवस्था सामान्य रहेको क्याविनेट चिकित्सक प्राडा दिव्या सिंह शाहले बताएकी छन् । उनले प्रधानमन्त्री आफ्नो नियमित कामलाई निरन्तरता दिन सक्षम रहेको समेत स्पष्ट पारेकी छन् ।
यसअघि प्रधानमन्त्री ओलीले त्रिभुवन अन्तराष्ट्रिय विमानस्थलमा जम्मा भएका पत्रकारलाई कुनै प्रतिक्रिया दिएका थिएनन् । केही बेर अघि प्राडा शाहले जारी गरेको विज्ञप्तीमा प्रधानमन्त्री ओलकिो शरीरमा बढी मात्रामा रहेको एन्टीबडीलाई बैज्ञानिक प्रविधिबाट हटाउने प्रक्रिया नेशनल युनिभर्सिटी अस्पताल (एनयुएच)मा पुरा भएको उल्लेख छ ।
मिर्गौलासम्बन्धी एण्टिबडीलाई शरीरबाट निष्काशन गरी निराकरण गर्ने उपचार विधि (प्लाज्मा फेरेसिस) बाट उपचार गर्न उनी गत ५ भदौमा दोस्रो पटक सिंगापुर गएका थिए ।
यसअघि उनी १८ साउनमा पनि स्वास्थ्य उपचारका लागि सिंगापुर पु गी २७ साउनमा फर्किएका थिए ।
सम्पर्क इमेल : nepalihealthnews@gmail.com