पाँच दिन देखि थलिएकी बिरामीको उपचार गर्न श्याम चुनाराको तीन घण्टा पैदल
अछाम, २७ साउन । करीब ३ घण्टाको पैदल यात्रा पछि श्याम चुनारा पाँच दिन देखि थलिएकी ४५ बर्षीया महिलालाई भेटन चौरपाटी आछाम पुगे । विरामी हेरे, पौष्टिक आहारको कमी देखे, कमजोरीले थलिएकी उनीमा अरु विभिन्न स्वास्थ्य समस्या भएको निस्कर्ष निकाले ।
‘केही औषधि दिए, घरको पिँढीमा सुताइएकी उहाँ(बिरामी)लाई स्लाइन चडाएँ । अनि फर्किएँ,’ चुनाराले भने ।
उनका अनुसार सो गाँउमा विद्युत र सञ्चार सुविधा छैन । कोही विरामी परयो भने अहेव र एचएलाई देखाउनका लागि करीब तीन घण्टा पैदल हिडनुपर्छ । चुनारालाई लिनका लागि पछि विरामी महिलाका श्रीमान् करीब तीन घण्टा हिडेर पुगेका थिए ।
‘तीन घण्टा हिडेर मलाई लिन आउनुभयो । त्यसपछि हामी तीन घण्टा हिडेर उहाँकोमा पुग्यौँ । यातायात सञ्चार र विद्युतको अभावमा यस्ता समस्या सुदुरपश्चिममा कति छन् कति । राज्यको ध्यान कहिले पुग्ने हो कुन्नी ?,’ डडेल्धुराका चुनारा गुनासो गर्छन ।
सम्पर्क इमेल : nepalihealthnews@gmail.com