पाल्पा, २४ जेठ । साठी बर्ष माथिका जेष्ठ नागरिकलाई लक्षित गरि रिब्दिकोट गाँउपालिकामा दुई दिने निशुल्क स्वास्थ्य शिविर आयोजना गरिएको छ ।

परमानन्द बाल बृद्ध कल्याण संघ पाल्पाको आयोजना, सामुदायिक सेवा केन्द्र काठमाडौं, नेपाल बिकास केन्द्र, एशियन डाईग्नोष्टिक ल्याब्रोटरी प्रालि र देवदह मेडिकल कलेजको प्राविधिक सहयोग तथा रिब्दिकोट गाँउपालिकाको आर्थिक सहयोगमा शिविर सञ्चालन गरिएको हो ।

पहिलो दिन नारायण माध्यमिक विद्यालयको परिसर धुसटुङमा र दोस्रो दिन कालिका आधारभूत विद्यालयको परिस भारकोटमा शिविर चलेको थियो । दुई दिने शिविरमा ४०३ जनाले स्वास्थ्य परीक्षण गराएको प्राविधिक टोलीका संयोजक डा प्रदीप ज्ञवालीले बताए ।

शिविरका लागि त्रिवि शिक्षण अस्पतालका डाक्टर ज्ञवालीको नेतृत्वमा डा सञ्जिता भुषाल, डाक्टर बिदुर लुईटेल लगायतको १२ जनाको टोली रिब्दिकोट पुगेको थियो । शिविरमा जनरल फिजिसियन, हाड जोर्नी तथा छालाको परीक्षण र आवश्यक औषधि समेत निशुल्क वितरण गरिएको थियो ।