काठमाडौँ, १० मंसिर । स्वास्थ्य तथा जनसंख्या मन्त्रालयका उपसचिव भक्तराज जोशीको सरुवा भएको छ । सामान्य प्रशासन मन्त्रालयले उनलाई सुदूरपश्चिम प्रदेशको मुख्य मन्त्री कार्यालयमा सरुवा गरेको छ ।

दुई साता अघि मात्रै मन्त्रालयमा जोशीको शाखा परिवर्तन भएको थियो । निमित्त स्वास्थ्य सचिव डा सुशीलनाथ प्याकुरेलले २६ कात्तिकमा सचिवस्तरीय निर्णय गर्दै जनसंख्या व्यवस्थापन तथा सूचना शाखामा कार्यरत रहेका उनलाई मन्त्रालयकै नीति योजना शाखामा सरुवा सरुवा गरेका थिए । यद्धपी उनले योजना शाखामा जान भने पाएनन् ।

योजना शाखाका उपसचिव लिलाराज पौडेलले आफ्नो सरुवाको चिठी नआएको भन्दै कुर्सी नछाडेपछि जोशीले जान नपाएका हुन् ।