काठमाडौँ, २८ असोज । सरकारले विपी कोइराला स्वास्थ्य विज्ञान प्रतिष्ठानमा रिक्त शिक्षाध्यक्ष पदमा प्राडा गुरुप्रसाद खनाललाई नियुक्त गरेको छ । स्वास्थ्य मन्त्री गिरिराजमणि पोखरेलको प्रस्तावमा हिजो बसेको मन्त्रिपरिषदको बैठकले सो निर्णय गरेको हो ।

यसैगरी हिजोकै बैठकले प्रतिष्ठानको रिक्त सञ्चालक परिषदको सदस्यमा प्राडा लोकबिक्रम थापा र अर्का सदस्यमा प्राडा जीपी रौनियारलाई नियुक्त गरेको स्वास्थ्य मन्त्रीका स्वकीय सचिव इन्द्रमणी पोखरेलले बताए ।