दाङ, २० जेठ । अस्पताल क्वाटर भवनको छतबाट खसेर दाङमा एक चिकित्सकको छोराको ज्यान गएको छ । राप्ती उपक्षेत्रीय अस्पतालमा कार्यरत डा जीत नारायण यादवका आठ बर्षीय छोरा आदित्य यादवको ज्यान गएको हो ।

क्वाटर भवनको छतमा खेल्ने क्रममा हिजो बेलुका खसेको आदित्य खसेर गम्भीर घाइते भएका थिए । तत्काल उपचारका लागि अस्पताल पुरयाइए पनि बचाउन नसकिएको मेडिकल सुपरीटेन्डेन्ट डा जनार्दन पन्थीले बताए ।

गम्भीर घाइते बालकलाई अस्पताल ल्याइएको थियो तर उपचारका क्रममा मृत्यु भयो उनले भने । रासस