पैंतालिस हजार बढीले गराए स्वास्थ्य बीमा, साढे ५३ लाखको उपचार सेवा
काठमाडौँ, २५ चैत । स्वास्थ्य बीमा कार्यक्रम सुरु भएको एक बर्षको अवधीमा आठ जिल्लाका ४५ हजार २७७ जना सदस्य भएका छन् । सरकारले गतवर्ष आजकै दिन(२५ चैत)मा कैलालीबाट यो कार्यक्रम सुरु गरेको थियो ।
स्वास्थ्य बीमा सञ्चालन गर्ने सरकारी निकाय सामाजिक स्वास्थ्य सुरक्षा विकास समिति टेकुका अनुसार बीमा कार्यक्रममा सहभागी भएका मध्ये ६ हजार ६७ जनाले उपचार सुविधा लिइसकेका छन् ।
समितिका कार्यकारी निर्देशक डा गुणराज लोहनीले यस अवधीमा बीमा कार्यक्रममा नाम दर्ता भएका सदस्यहरुले रु २ करोड २६ लाख ३८ हजार ५०० रुपैयाँ दर्ता हुँदा बुझाएको र उपचारका लागि ५३ लाख ५४ हजार ७५० रुपैयाँ खर्च भएको जानकारी दिए ।
बीमा कार्यक्रम अहिले बाग्लुङ, कास्की, कैलाली, अछाम, पाल्पा, बैतडी, इलाम र म्याग्दी जिल्लामा सुरु भएको छ । थप १७ जिल्लामा आगामी असारबाट सुरु हुने बताइएको छ ।
समितिले बीमा गरेकाहरुको उपचारका लागि २१ वटा प्राथमिक स्वास्थ्य केन्द्र, १६ वटा अस्पताल र रिफरल अस्पताल २८ गरी कुल ६५ वटा स्वास्थ्य संस्थाबाट उपचार सेवा प्रदान गरेको छ ।
यसैबीच स्वास्थ्य बीमा कार्यक्रम सुरु भएको पहिलो बर्षगाठको अवसरमा समितिले राजधानीमा आयोजित पत्रकार अन्तक्रिया कार्यक्रम गरेको थियो । कार्यक्रममा बोल्दै स्वास्थ्य सेवा विभागका महानिर्देशक डा राजेन्द्र पन्तले गुणस्तरीय स्वास्थ्यमा सहज र समान पहुँचका लागि स्वास्थ्य बीमा आवश्यक र अनिवार्य रहेको बताए । उनले सुरुवातमा केही कठिनाई भएपनि भविस्यमा बीमा कार्यक्रम अत्यन्त सवल हुने बताए । ‘अहिले कतिपय ठाँउमा साधनस्रोतको अभाव छ । जनशक्ति छैन । हाम्रो अनुभव पनि छैन तर यो संसारले चलाएको कार्यक्रम हो । नेपालले ढिलै भएपनि सुरु गरेको छ । यसले आम जनतालाई सहज स्वास्थ्य सेवा पुरयाउँछ,’ डा. पन्तले भने ।
समितिका कार्यकारी निर्देशक डा गुणराज लोहनीले सरकारले घोषणा गरे अनुरुप ८ जिल्लामा स्वास्थ्य बीमा कार्यक्रम सुरु भएको र सेवा समेत प्रभाव हुन थालेको भन्दै बाँकी १७ जिल्लामा यसै आर्थिक बर्ष भित्र कार्यक्रम सुरु गर्ने प्रयास भईरहेको बताए । उनले बीमा कार्यक्रममा देखिएका कमजोरीहरु क्रमश हटाउँदै यसलाई आकर्षक कार्यक्रमको रुपमा लैजाने दावी गरे । ‘कतिपय ठाँउमा गरीव परिचय पत्र नभएको अवस्था, कतिपय ठाँउमा उपकरणहरु पुगिनसकेको अवस्था छ । यसलाई हामी छिटै टुंग्याउँछाँ’ डा. लोहनीले भने ।
कार्यक्रममा इलाम, बाग्लुङ, कैलाली र कास्कीको बीमा कार्यक्रममा हेर्न पुगेका स्वास्थ्य पत्रकारहरुले आफ्नो प्रस्तुति राखेका थिए ।
सम्पर्क इमेल : nepalihealthnews@gmail.com
It is great achievement in health sector …. It should gradually be expanded and cover whole country and health centers , hospitals as well
do this service is available at lalitpur district and how can we get registered in that