मानवअंग प्रत्यारोपण केन्द्रको शिविरमा ६५१ जनाको मिर्गौला परीक्षण
स्याङजा ९ माघ । मानवअंग प्रत्यारोपण केन्द्र भक्तपुरको प्राविधिक सहयोग र सूर्योदय कोअपरेटिभ, स्याङजा सामुदायिक रेडियो तथा सूर्योदय युवा क्लवको आयोजनामा शनिबार स्याङ्जा बजारमा आयोजित निशुल्क स्वास्थ्य शिबिरमा ६५१ जनाको मिर्गौला परीक्षण भएको छ ।
प्रत्यारोपण केन्द्रकी बरिष्ठ मिर्गौलारोग विशेषज्ञ डा कल्पना श्रेष्ठको नेतृत्वमा गएको चिकित्सकको टोलीले मिर्गौला परीक्षण गरेको हो । सो क्रममा ७८ जनामा मिर्गौला सम्वन्धी रोग भएको पाइएको थियो ।
डा श्रेष्ठका अनुसार सिविरमा आएर ५० जनाले मरणोपरान्त मिर्गौला दान दिने गरी हस्ताक्षर गरेका छन् ।
शिविरमा बरिष्ठ नेफ्रोलोजिष्टद्धय डा लुशान सिंह र डा सन्तोष गुरुङ सहित तीन जना मेडिकल अधिकृत, तीन जना ल्याव टेक्निसियन, तीन जना स्टाफ नर्स,साईको थेरापिष्टको सहभागी थिए । टोलीको संयोजन गौरब पन्तले गरेका थिए ।
सम्पर्क इमेल : nepalihealthnews@gmail.com