एजेन्सी – डाक्टरको सल्लाह जहिले पनि सन्तुलित आहार र सही निन्द्रामा ख्याल गर्नुहोस भन्ने हुन्छ । तर खाना जस्तै निन्द्रा पनि बढी भएमा त्यसले हानी पुराउने देखिएको छ ।

हालै अमेरिकामा गरिएको एक अध्ययनले बढी सुत्ने मानिसहरुमा पनि स्वास्थ्य समस्या देखिएको छ । अध्ययन अनुसार आठ घण्टा भन्दा बढी सुत्ने स्मरणशक्तिमा असर पर्छ । उनीहरुका अनुसार धेरै निदाउने व्यक्तिले सही र गलत छुट्याई तत्काल निर्णय लिने क्षमतामा समेत कमजोर देखिन्छन् ।

अध्ययनकर्ताका अनुसार एउटा बयस्क व्यक्तिका लागि सात घण्टाको निन्द्रा प्रयाप्त हुन्छ । तर यो अवधीभन्दा बढी वा कम सुत्ने व्यक्तिहरुमा धेरै खालका स्वास्थ्य समस्या हुनसक्छ ।