काठमाडौं – नेपाल मेडिकल काउन्सिलले लिएको लाइसेन्स परीक्षामा दुई जना नक्कली प्रमाणपत्रधारी डाक्टर पक्राउ परेका छन् । पक्राउ पर्नेहरुमा पृथ्वीनारायण यादव र राजीवकुमार झा रहेका छन् ।

सानो भर्याङस्थित नेपाली सेनाको स्वास्थ्य विज्ञान प्रतिष्ठानमा आज भएको लाइसेन्स परीक्षामा परीक्षा दिन आएका उनीहरुलाई नेपाल प्रहरीको केन्द्रीय अनुसन्धान ब्यूरो (सीआइबी) ले पक्राउ गरेको हो ।

काउन्सिलका प्रवक्ता डा. कृष्ण अधिकारीका अनुसार उनीहरुको प्रमाणपत्र छानबीन गर्दा नक्कली पाइएपछि पहिले देखिनै निगरानी गरिएको थियो ।

अहिले परीक्षा दिन आएका बेला (सीआइबी) ले पक्राउ गरेको हो । शनिबारको परीक्षाका लागि १५ सय २५ जनाले फारम भरेका थिए ।