काठमाडौँ, २२ कात्तिक-

विनाविभागीय राज्यमन्त्री मोहमद मुस्ताक आलमले स्वास्थ्य तथा जनसंख्याराज्य मन्त्रीको जिम्मेबारी पाएका छन् । आलमले १३ दिन अघि प्रधानमन्त्री केपी शर्मा ओलीसंग विनाविभागीय राज्यमन्त्रीको रुपमा सपथ लिएका थिए ।

आलम मधेसी जनअधिकार फोरम लोकतान्त्रिक पार्टीका तर्फबाट गत संविधानसभा निर्वाचनमा रौतहट क्षेत्र नं २ बाट प्रत्यक्ष निर्वाचित हुन् ।

आइतबार स्वास्थ्य तथा जनसंख्या मन्त्रालयमा आयोजित विशेष समारोहमा आलमले राज्यमन्त्रीको रुपमा पदवहाली गरेका थिए ।

यसअघि गत शुक्रबार फोरम लोकतान्त्रिकका महासचिव समेत रहेका सांसद रामजनम चौधरीले स्वास्थ्यमन्त्रीको रुपमा पदवहाली गरेका थिए ।