काठमाडौँ, ४ साउन – प्रधानमन्त्री निवास घेराउ गर्न पुगेका महाराजगञ्ज क्याम्पसका विद्यार्थी र प्रहरीबीच बालुवाटारमा तनाव भएको छ । सो क्रममा १२ जना विद्यार्थीलाई प्रहरीले पक्राउ गरेको छ ।

१० दिन देखी आमरण अनसन बसेका डा केसीको मागका बारेमा सरकार सम्वेदनशील नभएको भन्दै डा केसीका समर्थक विद्यार्थीहरु बालुवाटार पुगेका थिए ।

विद्यार्थी सुमन आचार्यका अनुसार प्रहरीले बद्री अर्याल, विशाल दाहाल सहितका १२ जना विद्यार्थीहरुलाई पक्राउ गरेको छ । उनीहरुलाई महानगरीय प्रहरी बृत्त कमलपोखरीमा राखेको छ ।