काठमाडौँ, १० असोज ।  गृह मन्त्रालयले चार महिनादेखि सम्पर्कविहीन दुई जना डाक्टरलाई एक साताभित्र हाजिर हुन निर्देशन दिएको छ ।

बुधवार गृह मन्त्रालयले एक सूचना प्रकाशित गरी सुदूरपश्चिम प्रदेश प्रहरी अस्पताल दिपायलका डा. केशव श्रेष्ठ र नेपाल प्रहरी अस्पताल महाराजगन्जका सर्जिकल शाखाका डा. बालकृष्ण ज्ञवालीलाई एक साताभित्र हाजिर हुन निर्देशन दिएको हो ।

उनीहरुलाई सात दिनभित्र आफू गैर हाजिर रहनुको कारण खोली स्पष्टीकरण सहित हाजिर हुन मन्त्रालयले सूचनामार्फत निर्देशन दिएको छ ।

कार्यालयमा हाजिर हुन नआएमा प्रहरी नियमावली २०७१ को नियम ११३ को खण्ड (च) को कसुरमा कारबाही गरिने सूचनामा उल्लेख गरिएको छ ।