काठमाडौँ, २४ भदौ । स्वास्थ्य कार्यालय काठमाडौँले आज देखि एक सातासम्म १२ वर्ष माथिका उमेर समूहका बालबालिकाहरुलाई कोभिडविरुद्धको खोप दिन थालेको छ । स्वास्थ्य कार्यालयले उनीहरुलाई कोभिडविरुद्धको फाइजर खोपको दोस्रो डोज दिन थालेको हो ।

स्वास्थ्य कार्यालयले जिल्ला भित्र रहेका महानगरपालिका तथा नगरपालिकाले तोकेका स्वास्थ्य संस्था तथा विद्यालयहरुमा खोप अभियान सञ्चालन भएको बताए । यस्तै सबै नगर अस्पतालहरुमा पनि यो सेवा सञ्चालनमा आएको जनाएको छ ।

पछिल्लो समय कोभिड १९ को संक्रमण दर घट्दै जाँदा खोप लगाउनेको संख्यामा समेत कमि आएको छ ।

स्वास्थ्य कार्यालयले खोप सुरक्षित रहेको, खोपले जीवन रक्षा गर्ने र यो खोप निशुल्क पाइने भन्दै आम अभिभावकसंग बालबालिकाहरुलाई खोप लगाउनका लागि सहयोग गर्न अनुरोध गरेको छ ।