काठमाडौँ, १९ जेठ । काठमाडौँबाट पूर्वतर्फ जाँदै गरेको सीटीईभीटीको उच्च अधिकारी सवार गाडी सुनकोशीमा खसेको छ ।

मध्य पहाडी राजमार्ग अन्तर्गत गोलञ्जोर गाउँपालिका–७ लौकुनमा शुक्रबार दुर्घटना भएको हो ।

बा १ झ ७४६७ नम्बरको जीपमा  सीटीईभीटीका निर्देशकहरु कृष्ण केसी, यमप्रसाद भुर्तेल र प्रवाधिक अधिकृत भानु पौडेलसहित ४ जना सवार थिए ।

गाडीका ड्राइभर झ्यालबाट हाम फालेर बच्न सफल भएका छन् । उनीहरू काठमाडौंबाट खोटाङ जिल्लाका प्राविधिक शिक्षालयको अनुगमनमा जाँदै गरेको सीटीईभीटीले जनाएको छ ।