काठमाडौँ, २४ कात्तिक । लामखुट्टेको टोकाइबाट सर्ने डेंगु रोगको संक्रमणबाट नेपालमा हालसम्म ५७ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार गत साउनदेखि हालसम्म देशभर ५७ जना संक्रमितको मृत्यु भएको हो ।

त्यसैगरी ५१ हजार १७७ जनामा संक्रमण पुष्टि भएको छ । देशका ७७ वटै जिल्लामा डेंगु संक्रमण फैलिएको छ ।

एडिज प्रजातिको लामखुट्टेबाट सर्ने डेंगु नेपालमा पहिलो पटक २०६१ मा डेंगुका बिरामी देखिएका थिए। त्यस यता नेपालमा बर्षेनी डेंगुका बिरामी फेला परेका छन् ।