काठमाडौँ, ३१ भदौ ।आयुर्वेद चिकित्सा परिषद् नेपालले शुक्रबार लिएको आयुर्वेद स्नातक (बीएएमएस) स्थायी नाम दर्ता (लाइसेन्स) परीक्षामा ९२.४५ प्रतिशत उत्तीर्ण भएका छन् ।

पुल्चोकस्थित इन्जिनियरिङ अध्ययन् संस्थानमा कम्प्युटर विधिबाट लिइएको परीक्षा ५४ जना परीक्षार्थी मध्ये ४९ जना (९२.४५ प्रतिशत) उत्तीर्ण भएका हुन् । यो संगै नेपालमा आयुर्वेद चिकित्सक (स्नातक तह)को संख्या ८६३ पुगेको छ ।

अहिले परिषदले बर्षमा दुई पटक (भदौ र फागुन) स्नातक तहको लाइसेन्स परीक्षा लिने गरेको छ ।

परिषद्का प्रशासकीय अधिकृत दीपक भण्डारीले विसं २०७६ साल देखि बीएएमएसको परीक्षा लिएर स्थायी नाम दर्ता गर्न थालिएको बताए ।

उनले गतवर्षसम्म परीक्षा केन्द्र तोकेर पेपरमा प्रश्नपत्र दिएर परीक्षा लिने गरेपनि अहिले त्यसलाई कम्प्युटर विधिबाटै लिने व्यवस्था मिलाइएको बताए ।

‘नेपाल मेडिकल काउन्सिलले जस्तै पुल्चोकस्थित इन्जिनियरिङ अध्ययन् संस्थानको हलमा लिइन्छ, अढाई घण्टाको परीक्षा हुन्छ । १५० वटा प्रश्न हुन्छ । त्यसमा ५० प्रतिशत बढी मिलाउने उत्तीर्ण हुन्छ,’ भण्डारीले परीक्षाबारेमा जानकारी दिए ।

उनले आजको परीक्षा विहान ११ बजे देखि सुरु भएर दिउसो साढे १ बजे सकिएको बताए ।

परिषद्ले स्थायी दर्ताको लागि स्नातक तहको परीक्षा लिए पनि स्नातकोत्तर तर्फ नाम दर्ताका लागि परीक्षा लिने गरेको छैन् ।

को को भए उत्तीर्ण ?