रुपन्देही, १५ भदौ । कोरोना भाइरस सङ्क्रमणका कारण रुपन्देहीमा थप एक जनाको मृत्यु भएको छ । तिलोत्तमा नगरपालिका –५ की ६८ वर्षीया महिलाको गए राति ९ बजे मृत्यु भएको हो ।

तिलोत्तमा नगरपालिकाका प्रवक्ता सुरेन्द्र श्रीका अनुसार मृत्यु हुने महिला गत ११ भदौमा कोरोना भाइरस सङ्क्रमण पुष्टि भएपछि होम आइसोलेशनमै बसेकी थिइन ।

स्वास्थ्यमा समस्या आएपछि आइतबार (हिजो) भैरहवास्थित भीम अस्पतालमा लैजाने क्रममा बाटामै मृत्यु भएको हो ।

शव अस्पतालमै रहेको नगरपालिकाले जनाएको छ ।

उनको आजै नेपाली सेनाको टोलीले शव व्यवस्थापन गर्ने बताइएको छ ।