काठमाडौँ, १२ भदौ । उद्योगपति विनोद चौधरीलाई कोरोना संक्रमण देखिएको छ । उनले शुक्रबार आफ्नो ट्विटरमार्फत आफूमा कोरोना संक्रमण पुष्टि भएको जानकारी दिएका छन् ।

आफूले आजै विहान पीसीआर टेष्ट गराएको र रिपोर्ट पोजेटिभ आएको बताएका हुन् । उनले आफूलाई अहिलेसम्म कुनै लक्षण भने नदेखिएकोले आफू डाक्टरको सल्लाहमा सेल्फ आइसोलेसनमा बसेको जानकारी दिएका छन् ।

उनले आफूसंग सम्पर्कमा आएका सबैलाई स्वास्थ्यको सावधानी अपनाउन आग्रह गरेका छन् ।