काठमाडौँ, २० बैशाख । सरकारले देशभरका सबै सामुदायिक विद्यालयहरुमा अध्ययन्रत छात्राहरुलाई सेनेटरी प्याड निशुल्क उपलव्ध गराउने भएको छ ।

राष्ट्रपति विद्यादेवी भण्डारीले संसदको दुबै सदनमा आज प्रस्तुत गरेको आगामी आर्थिक बर्षको लागि सरकारको नीति तथा कार्यक्रममा महिनावारीका समयमा प्रयोग हुने प्याड निशुल्क दिइने उल्लेख छ ।

महिनावारीका बेला छात्राहरु विद्यालय आउन अप्ठेरो मान्ने र धेरैलाई समस्या शिक्षा क्षेत्रका विज्ञहरुले बताउदै आएका थिए । सरकारको यो निर्णयले छात्रा शिक्षालाई समेत प्रवर्धन गर्ने देखिएको छ ।