काठमाडौँ, २३ मंसिर । प्रतिनिधिसभाको चुनावी मैदानमा रहेका पूर्व स्वास्थ्य मन्त्रीद्वय गगन थापा र शक्ति बस्नेत विजयी भएका छन् ।

काठमाडौं प्रतिनिधिसभा क्षेत्र नं ४ मा नेपाली कांग्रेसका तर्फबाट उम्मेदवार बनेका पूर्व मन्त्री थापाले नेकपा एमालेका राजन भट्टराईलाई ३ हजार ४ सय ११ मतले पछि पार्दै जित हासिल गरेका हुन्।

त्यसैगरी  बाम गठबन्धनबाट उम्मेदवार बनेका पूर्व स्वास्थ्य मन्त्री शक्ति बस्नेत पनि जाजरकोट क्षेत्र नं १  बाट विजयी भएका छन् । उनी ३२ हजार २ सय ८१ मतसहित विजयी भएका हुन्।

उनका प्रतिस्पर्धी नेपाली कांग्रेसका उम्मेदवार राजिवबिक्रम शाह २३ हजार २ सय ८९ मत ल्याएका छन् ।