काठमडौँ, २५ फागुन । स्वास्थ्य मन्त्री गगन थापाले सप्तरी घटनामा स्वास्थ्यकर्मी समेत मृत्यु भएको खवरले आफू स्तव्ध भएको बताएका छन् । मंगलबार बेलुका ट्वीट गर्दैै उनले साहको परिवार र सम्पूर्ण स्वास्थ्यकर्मी समक्ष समवेदना प्रकट गरेका छन् ।

सोमबारको घटनामा डिमन स्वास्थ्य चौकीमा कार्यरत स्वास्थ्यकर्मी सीअहेव आनन्दकुमार साहको मृत्यु भएको थियो ।मन्त्री थापाले साहको परिवारमा सरकारको तर्फबाट गर्नुपर्ने दायित्व पुरा गर्ने बचन दिएका छन् । ट्वीटमा भनेका छन, ‘यस घटनाले साहको परिवारलाई पुगेको चोट अपुरणीय छ । हाम्रो कुनै कदमले यसलाई पुरा गर्न सक्दैन । यद्धपी हाम्रो तर्फबाट परिवारको लागि गर्नुपर्ने सम्पूर्ण दायित्व पुरा गर्नेछौँ ।’

उनले स्वास्थ्यकर्मीहरुलाई बाताबरण सहज बनाउन र घटनाका घाईतेहरुको उपचारमा लाग्न समेत स्वास्थ्यकर्मीहरुलाई आग्रह गरेका छन् । उनले भनेका छन, ‘यतिवेला आफ्नै एक साथीलाई गुमाउनुपरेको दुखका बीचमा पनि आ आफ्नो कार्यस्थलमा रही घाईते भएकाहरुको उपचार र आवश्यक स्वास्थ्य सेवामा लाग्न र उच्च मनोवलका साथ काम गर्न सम्पूर्ण स्वास्थ्यकर्मीहरुलाई अपिल गर्न चाहन्छु ।’

यस्तो छ मन्त्री थापाको ट्वीट