मन्त्रिपरिषद्को निर्णय अनुसार गत २२ चैतकाे राजपत्रमा प्रकाशित सूचनाअनुसार भने शनिबार र आइतबार लगातार दुई दिन सार्वजनिक बिदा दिने व्यवस्था लागू गरिएको छ।

तर मन्त्रलयले  आज सूचना जारी गर्दै उपचार सेवा प्रवाहमा कुनै अवरोध नआओस् भन्ने उद्देश्यले देशभरका स्वास्थ्य संस्थाहरूलाई आवश्यक प्रबन्ध मिलाउन भनेकाे हाे

जारी प्रेस विज्ञप्तिअनुसार अस्पतालहरूले आफ्नो कार्यभार (वर्कलोड) र जनशक्ति हेरी आइतबारका दिन समेत बहिरंग (ओपीडी) सेवा सञ्चालन गर्नुपर्नेछ। साथै, कर्मचारी व्यवस्थापन मिलाउँदा हप्तामा शनिबारबाहेक अर्को एक दिन बिदा दिने गरी दुई दिनको बिदा सुनिश्चित गर्नुपर्ने उल्लेख गरिएको छ। यदि कुनै अवस्थामा बिदा दिन सम्भव नभएमा सट्टा बिदा उपलब्ध गराउने व्यवस्था मिलाउन पनि निर्देशन दिइएको छ।

त्यसैगरी, प्रादेशिक अस्पतालहरूमा पनि सोही व्यवस्थाअनुसार सेवा सञ्चालन गर्न सातै प्रदेशका स्वास्थ्यसम्बन्धी निकायहरूलाई मन्त्रालयले अनुरोध गरेको छ।

मन्त्रालयका सह–प्रवक्ता डा. समिरकुमार अधिकारीद्वारा हस्ताक्षरित उक्त विज्ञप्तिमा स्वास्थ्य सेवा निरन्तर, प्रभावकारी र सर्वसुलभ बनाउन सबै निकायको सहकार्य आवश्यक रहेको उल्लेख गरिएको छ।