काठमाडौँ, १६ पुस – पाटन स्वास्थ्य विज्ञान प्रतिष्ठानले स्कुल अफ मेडिसिनले एमबीबीएस भर्नाको लागि प्रयोगात्मक तथा सीप मुलक परीक्षाको तालिका सार्वजनिक गरेको छ । दोस्रो चरणको यो परीक्षामा यसपटक लिखित परीक्षामा सहभागी सबै विद्यार्थी सहभागी हुन पाउनेछन् ।

यसअघि गत २७ कात्तिकमा लिईएको लिखित परीक्षाको नतिजामा गम्भीर त्रुटि भएको भन्दै दुई पटक नतिजा प्रकाशित भएपछि विवादित बनेको थियो ।

सोही विवाद सल्टाउन स्वास्थ्य मन्त्रालयले पहिलो चरणको परीक्षामा सहभागी सबै परीक्षार्थीलाई दोस्रो चरणको परीक्षामा सहभागी हुन सक्ने व्यवस्था गरेको हो । परीक्षा आगामी २० देखि २२ पुससम्म हुने बताइएको छ ।