काठमाडौँ, ३० मंसिर – नेकपा माओवादी विप्लव समूहको विद्यार्थी संगठन अखिल क्रान्तिकारीले नेपाल मेडिकल काउन्सिलमा तालाबन्दी गरेको छ । दिउसो १ बजे तिर आएका चार पाँच जनाले कर्मचारीलाई बाहिर निकाली तालबान्दी गरेका हुन् ।

उनीहरुले बाहिरको मुख्य गेट र भित्रको गेटमा गरी दुई ठाँउमा तालाबन्दी गरेको काउन्सिल रजिष्ट्रार डा दिलीप शर्माले बताए । ‘म बाहिर थिएँ, दिउसो विप्लब समूहको विद्यार्थी संगठनबाट आएर कर्मचारी बाहिर निकाली तालबन्दी गर्ने काम भएछ’ डा. शर्माले भने ।

मेडिकल कलेजहरुले मनपरी शुल्क लिइरहँदासम्म काउन्सिल चुप लागेर बसेको भन्दै तालाबन्दी गरेको बताइएको छ । डा शर्माले बार्ताबाट समस्याको समाधान निस्कने विश्वास व्यक्त गरे ।