काठमाडौँ, २९ भदौ ।  प्रधानमन्त्री सुशीला कार्कीले पदभार ग्रहण गरेकी छन् । शुक्रबार अन्तरिम सरकारको प्रधानमन्त्री नियुक्त कार्कीले आज बिहान सिंहदरबारमा पदभार ग्रहण गरेकी हुन् ।

त्यसअघि उनले आज बिहान लैनचौरस्थित शहीद स्मारक पुगेर माल्यार्पण गरेकी थिइन् ।

पदभार ग्रहण कार्यक्रममा बोल्दै उनले आन्दोलनमा मृत्यु भएकाहरुलाई शहीद घोषणा गर्दै १० लाख रुपैयाँ राहत दिने निर्णय भएको जानकारी दिईन् ।

उनले घाइतेहरुको निशुल्क उपचार तथा थप केही आर्थिक सहयोग गर्ने बताईन ।

प्रधानमन्त्री कार्कीले जलेका भौतिक संरचनालाई पुर्न निर्माण गर्नका लागि सबैको सहयोग आवश्यक रहेको बताए ।

सरकारले दिएको जानकारी अनुसार यस आन्दोलनमा अहिलेसम्म ७२ जनाको मृत्यु भएको छ । अस्पतालमा ५४ जना प्रहरी सहित १९१ जनाको उपचार भईरहेको छ ।