काठमाडौँ, १८ माघ ।  काठमाडौँ विश्वविद्यालय उपकुलपति बन्न शैक्षिक योग्यता विद्यावारिधी चाहिने व्यवस्था हटाइएको छ । उपकुलपति खोज तथा सिफारिस सम्वन्धी समितिले गत १६ माघमा कार्यविधि संसोधन गर्दै शैक्षिक योग्यतामा विद्यावारिधिको ठाउँमा स्नातकोत्तर तह राख्ने निर्णय गरेको छ ।

यसअघि उपकुलपति पदमा विद्यावारिधि योग्यता राख्दा चिकित्सा क्षेत्रका व्यक्तित्वहरुले सो अवसरबाट बन्चित हुँने भन्दै चिकित्सकहरुले विरोध जनाएका थिए ।

विरोध बढ्दै जाँदा केयुका कुलपति समेत रहेका प्रधानमन्त्री केपी ओलीले समितिलाई मिलाएर लैजान संकेत गरेका थिए । सोही अनुरुप कार्यविधि संसोधन गरिएको सिफारिस समितिद्धारा जारी विज्ञप्तीमा उल्लेख छ ।

समितिले नयाँ कार्यविधि सार्वजनिक गरेसंगै उपकुलपतिमा आवेदन दिन आजदेखि एक साताको म्याद थपेको छ ।

नयाँ कार्यविधि हेर्न यहाँ क्लिक गर्नुहोस्