काठमाडौँ, २० चैत । स्वास्थ्य तथा जनसंख्या मन्त्री प्रदीप पौडेल आगामी २४ चैतमा संयुक्त राज्य अमेरिका प्रस्थान गर्ने भएका छन् ।

न्युयोर्कमा २५ चैत देखि हुन लागेको ‘कमिसन ओन पपुलेसन एण्ड डेभलोपमेन्ट( सिपिडी)’ को बैठकमा सहभागिताका लागि त्यस तर्फ जान लागेका हुन् ।

सोमबारको मन्त्रिपरिषद् बैठकबाट उनको अमेरिका भ्रमण स्विकृत भईसकेको छ ।

पाँच दिने सो बैठकमा मन्त्रीसंगै सहभागिताका लागि स्वास्थ्य तथा जनसंख्या मन्त्रालय जनसंख्या महाशाखाका कर्मचारी पनि सो कार्यक्रममा सहभागि हुन जाने बुझिएको छ ।

मन्त्री गत साता मात्रै ‘न्युट्रिसन फर ग्रोथ पेरिस सम्मेलन -२०२५’ मा भाग लिन फ्रान्सको पेरिस पुगेका थिए ।