काठमाडौँ, १३ चैत । शहीद दशरथ चन्द स्वास्थ्य विज्ञान विश्वविद्यालय विधेयक संसदीय समितिबाट पारित भएको छ ।

सिंहदरबारस्थित कार्यालयमा बसेको प्रतिनिधि सभाअन्तर्गतको शिक्षा स्वास्थ्य तथा सूचना प्रविधि समितिको बैठकले विधेयक समितिबाट पारित गरेको हो ।

समिति सभापति अमरबहादुर थापाले विधेयक समितिबाट पारित भएको जानकारी दिए । विधेयकलाई समितिको प्रतिवेदनसहित छिट्टै सदनमा लैजाने तयारी गरिएको उनले बताए ।