काठमाडौँ, ८ मंसिर । प्रधानमन्त्री केपी शर्मा ओलीका बुवा मोहनप्रसाद ओली बिरामी परेका छन्। उनलाई उपचारका लागि त्रिवि शिक्षण अस्पताल भर्ना गरिएको छ।

प्रधानमन्त्री ओलीले बुवालाई फोक्सोसम्बन्धी समस्या देखिएको जानकारी फेसबुकमार्फत दिएका छन्।

बुवालाई फोक्सोसम्बन्धी समस्या भएर त्रिभुवन विश्वविद्यालय शिक्षण अस्पताल महाराजगञ्जमा उपचार भइरहेको  र स्वास्थ्य सामान्य रहेको छ, प्रधानमन्त्री ओलीले फेसबुकमा लेखेका छन्।

शनिबार दिउँसो अस्पताल पुगेर प्रधानमन्त्री ओलीले आफ्ना बुवालाई भेटेका थिए।