काठमाडौँ, १५ जेठ । सरकारले औषधि प्रयोजनका लागि गाँजाको व्यवसायिक खेती गर्ने कार्यलाई अघि बढाउने भएको छ ।

अर्थ मन्त्री बर्षमान पुनले आगामी आर्थिक बर्षको बजेट प्रस्तुत गर्ने क्रममा औषधी प्रयोजनका लागि गाँजाको व्यवसायिक खेती गरिने र त्यसका लागि कानूनी व्यवस्था मिलाउने समेत उल्लेख गरेका छन् ।

गाँजाको व्यवसायिक खेतीका राजनीतिक दलका नेता तथा सांसदहरुले लामो समय देखि लविङ गर्दै आएका थिए । कतिपयले भने यसको दुरुपयोग बढ्ने भन्दै विरोध गर्दै आएका थिए ।

यस पटकको बजेटमै यो विषय आएपछि सरोकारवाला पक्ष उत्साहित देखिएका छन् ।