नयाँ दिल्ली, भारत । प्रहरीले हानेको गोली लागि गम्भीर घाइते भएका ओडिशाका स्वास्थ्य मन्त्री नवकिशोर दासको निधन भएको छ । आइतबार सार्वजनिक कार्यक्रममा सहभागी हुन गइरहेका बेला उनलाई सुरक्षामा खटिएका असई गोपाल दासले गोली प्रहार गरेका थिए ।

प्रहरीे हानेको गोली मन्त्री दासको छातीमा लागेको थियो ।

घटना मध्यान्न सबा १२ बजे तिर झारसुगुडा जिल्लास्थित ब्रजनराजनगरको नजिकै रहेको गान्धी चोकमा भएको थियो ।

गोली लागि गम्भीर घाइते भएका मन्त्रीलाई तत्काल एयरलिफ्ट गरी भुवनेश्वर पुरयाइएको थियो । त्यहाँ उनको एक निजी अस्पतालमा उपचारकै क्रममा निधन भएको हो ।

घटनापछि प्रधानमन्त्री नरेन्द्र मोदी र ओडिसाका मुख्यमन्त्री पटनायकले दुख व्यक्त गर्दै छानवीनका लागि निर्देशन दिएका छन् ।