काठमाडौँ, १३ असोज । पछिल्लो चौबिस घण्टामा देशभर थप ४५ जनामा कोरोना संक्रमण पुष्टि भएको छ । सोही अवधीमा ७० जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार थप २ हजार ६७८ नमुना परीक्षण गर्दा ४५ जनामा संक्रमण पुष्टि भएको हो ।

त्यस्तै देशभर सक्रिय संक्रमितको संख्या १ हजार ७७ रहेको छ । जसमध्ये होमआइसोलेसनमा १ हजार ४१ र संस्थागत आइसोलेसनमा ३६ जना रहेका छन् ।

संस्थागत आइसोलेसनमा रहेका मध्ये आइसीयूमा ९ जना र भेन्टीलेटरमा शून्य संक्रमित उपचाररत रहेका छन् ।