काठमाडौँ, २ साउन ।  सरकारले स्थानीय तहमा सञ्चालनमा आउन लागेका ५, १० र १५ शैयाका आधारभूत अस्पतालहरुको नमूना संगठन संरचना र दरबन्दी स्थानीय तहलाई पठाएको छ ।

स्वास्थ्य तथा जनसंख्या मन्त्रालयको अनुरोधमा संघीय मामिला तथा सामान्य प्रशासन मन्त्रालयले नमूना संगठन संरचना र दरबन्दीको तेरिज सबै स्थानीय तहलाई पठाएको हो ।

प्रस्तावित दरबन्दीमा ५ शैयाको अस्पतालमा आठौँ तहको एक जना मेडिकल अधिकृतको नेतृत्वमा ४ जना नर्स, ३ जना हेल्थ असिस्टेन्ट सहित १८ जनाको दरबन्दी तेरिज प्रस्ताव गरिएको छ । १० शैयाको अस्पतालका लागि दुई जना मेडिकल अधिकृत, ५ जना स्टाफ नर्स, ३ जना हेल्थ असिस्टेन्ट सहित २२ जनाको दरबन्दी प्रस्ताव गरिएको छ ।

यस्तै १५ शैयाको अस्पतालका लागि नवौँ वा दशौँ तहको मेडिकल जनरलिष्ट एक जना, मेडिकल अधिकृत २ जना स्टाफ नर्स ६ जना हेल्थ असिस्टेन्ट ४ सहित ३० जनाको लागि दरबन्दी तेरिज प्रस्ताव गरिएको छ ।

यस्तो छ संगठन संरचना र दरबन्दी तेरिज