काठमाडौँ, २६ असार । पछिल्लो चौबिस घण्टामा देशभर थप १२१ जना कोरोना संक्रमित थपिएका छन् । यही अवधीमा थप ३१ जना निको भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार १ हजार ७ सय जनाको पीसीआर नमुना परीक्षण गर्दा १ सय ४ जनामा र १ हजार ३४५जनाको एन्टीजेन बिधिबाट नमुना परीक्षण गर्दा १७ जनामा संक्रमण पुष्टी भएको हो ।

काठमाडौँ उपत्यकाका तीन जिल्ला मध्ये काठमाडौँमा ७२, भक्तपुरमा ३ र ललितपुरमा १३ गरी उपत्यकामा ८८ जना थपिएका छन् ।

देशभर सक्रिय संक्रमितको संख्या ६ सय ६७८ रहेको छ । जसमध्ये होम आइसोलेसनमा ६ सय ६२ जना र संस्थागत आइसोलेसनमा १६ जना रहेका छन् ।

त्यसैगरी आइसीयूमा ७ जना र भेन्टीलेटरमा १ जना संक्रमित उपचाररत रहेका छन् ।