काठमाडौँ, १ बैशाख । पछिल्लो चौबिस घण्टामा देशभर थप ४ जनामा कोरोना संक्रमण पुष्टि भएको छ । यही अवधीमा थप ४४ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले बुधबार दिएको जानकारी अनुसार २ हजार २६२ पीसीआर नमुना परीक्षण गर्दा ३ जनामा कोरोना संक्रमण पुष्टि भएको हो । १ हजार ८० जनाको एन्टीजेन बिधिबाट नमुना परीक्षण गर्दा १ जनामा संक्रमण पुष्टि भएको हो ।

आज कोरोना संक्रमणबाट मृत्यु हुनेको संख्या शून्य रहेको छ ।आइसीयूमा १२ र भेन्टीलेटरमा १ संक्रमित उपचाररत रहेका छन् । हाल देशभर सक्रिय संक्रमितको संख्या ४७९ रहेको मन्त्रालयले जनाएको छ ।