काठमाडौँ, ८ चैत । पछिल्लो चौबिस घण्टामा देशभर थप ४४ जनामा कोरोना संक्रमण पुष्टि भएको छ । यही अवधीमा थप ४ सय ८१ जना संक्रमणमुक्त भई डिस्चार्ज भएका छन् ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार ४ हजार ४ सय ९५ पीसीआर नमुना परीक्षण गर्दा ३५ र २ हजार ९९ जनाको एन्टीजेन बिधिबाट नमुना परीक्षण गर्दा ९ गरी ४४ जनाको रीपोर्ट पोजेटिभ आएको हो ।

त्यसैगरी आज कोरोना संक्रमणबाट १ जनाको मृत्यु भएको छ। हाल देशभर सक्रिय संक्रमितको संख्या २ हजार ६ सय ८८ सय रहेको मन्त्रालयले जनाएको छ ।

त्यसैगरी २ सय भन्दा बढी उपचारार्थ सक्रिय संक्रमित रहेका जिल्ला काठमाडौँ र ललितपुर रहेका छन् । धनकुटा मनाङ , रुकुमपूर्व, जुम्ला र बाजुरा जिल्लामा सक्रिय संक्रमितको संख्या शून्य रहेको छ । भने आइसीयूमा २३ र भेन्टीलेटरमा २ जना संक्तमित उपचाररत रहेका छन् ।