काठमाडौँ, ३० पुस । डेन्टल सर्जन डाक्टर प्रकाश बुढाथोकी एघारौ तहमा बढुवाका लागि सिफारिस भएका छन् ।

विहीबार बसेको स्वास्थ्य मन्त्रालयको बढुवा समितिको बैठकले डा बुढाथोकीलाई प्रम्ख कन्सलटेन्ट डेन्टल सर्जन पदमा बढुवाका लागि सिफारिस गरेको हो ।

डा बुढाथोकी अहिले स्वास्थ्य सेवा विभाग उपचारात्मक सेवा महाशाखा अन्तरगर्तको आँखा नाक कान घाँटी तथा मुख स्वास्थ्य शाखा प्रमुख छन् ।

पछिल्लो समय स्वास्थ्य मन्त्रालयले गरेका बढुवामा समेत गडबड भएको समाचार बाहिरिईरहँदा डा बुढाथोकीले भने आफ्नो सिफारिस जायज भएको बताए ।

‘म दशौँ तहमा बढुवा भएको ६ वर्ष पुगिसक्यो । फेरी उपत्यका बाहिर पनि काम गरेको छु,’ उनले भने ।