मेलम्ची बाढी प्रभावित २० हजार बढीलाई कोभिड खोप दिईदै

- नेपाली हेल्थ

सिन्धुपाल्चोक, १० भदौ । मेलम्ची बाढी प्रभावित १८ वर्षमाथिका २० हजार बढी स्थानीयका लागि कोरोनाविरुद्धको खोप उपलब्ध गरिएको छ। ती आजदेखि सर्वसाधारणले लगाउन मिल्ने गरी खोप केन्द्रमा पठाइसकिएको वरिष्ठ जनस्वास्थ्य अधिकृत दुर्गादत्त चापागाइले जानकारी दिए।

सिन्धुपाल्चोकका बाढी प्रभावित पाँचपाखरी थाङपाल गाउँपालिकाका लागि आठ हजार, मेलम्ची नगरपालिकाका लागि सात हजार र हेलम्बु गाउँपालिकाका लागि पाँच हजार मात्रा दुई हजार भायल खोप स्थानीय तहमा यसअघि तोकिएका खोप केन्द्रमा पठाइसकिएको चापागाइले बताए।

बाढी प्रभावितलाई दुई मात्रा लगाउनुपर्ने एस्ट्रोजेनिका सुई लगाउन लागिएको हो।

खोप नपुगेमा सम्पर्क गर्न पालिकालाई आग्रह गरिएको छ।रासस


Facebook Comment


थप समाचार