आइतबार थप २५४८ जनामा कोरोना संक्रमण पुष्टि, ५५ जनाको मृत्यु

  • सक्रिय संक्रमितको संख्या ३५ हजार ४८५
  • - नेपाली हेल्थ

    काठमाडौँ, २४ साउन । आइतबार देशभर थप २ हजार ५ सय ४८ जनामा कोरोना संक्रमण पुष्टि भएको छ । यही अवधिमा थप ५५ जना संक्रमितको मृत्यु भएको छ ।

    स्वास्थ्य तथा जनसंख्या मन्त्रालयले आइतबार जारी गरेको बिबरण अनुसार ९ हजार ३३ जनाको पीसीआर बिधीबाट र ३ हजार ३४५ जनाको एन्टीजेन बिधिबाट गरी कुल १२ हजार ३७८ जनाको कोभिड १९ परीक्षण भएकोमा २ हजार ५ सय ४८ जनाको रिपोट पोजेटिभ आएको हो ।

    जसमध्ये काठमाडौँमा ७४० , भक्तपुरमा ५६ र ललितपुरमा १५५ जना गरी काठमाडौँ उपत्यकामा ९५१ जना थपिएका छन् ।

    हालसम्म सक्रिय संक्रमितको संख्या ३५ हजार ४ सय ८५ रहेको छ । त्यसैगरी आज थप २ हजार २९ जना संक्रमणमुक्त भएका छन् ।

    देशभरका कोभिड अस्पतालका आइसीयूमा ८०२ र भेन्टीलेटरमा १८१ जना संक्रमित उपचाररत रहेको मन्त्रालयले जनाएको छ ।


    Facebook Comment


    थप समाचार