उकालो लाग्दै संक्रमण : मंगलबार थप ३८९९ जनामा संक्रमण पुष्टि, २० जनाको मृत्यु
काठमाडौँ, १२ साउन । पछिल्लो चौबिस घण्टामा देशभर थप ३ हजार ८ सय ९९ जनामा कोरोना संक्रमण पुष्टि भएको छ। यहि अवधिमा थप १ हजार ७ सय ७८ जना संक्रमणमुक्त भएका छन् । त्यसैगरी आज थप २० जना संक्रमितको मृत्यु भएको छ ।
स्वास्थ्य तथा जनसंख्या मन्त्रालयले मंगलबार, जारी गरेको बिबरण अनुसार १२ हजार ६ सय ५५ जनाको पीसीआर बिधिबाट र ४ हजार ८ सय ६३ जनाको एन्टीजेन विधिबाट गरी १७ हजार ५ सय १८ जनाको कोभिड १९ परीक्षण भएको छ । उक्त परीक्षणबाट ३ हजार ८ सय ९९ जनाको कोरोना रिपोट पोजेटिभ आएको हो ।
जसमध्ये काठमाडौँमा ४७५, भक्तपुरमा १३२ र ललितपुरमा १६७ जना गरी काठमाडौँ उपत्यकामा ७७४ जना थपिएका छन् ।
देशभर सक्रिय संक्रमितको संख्या २८ हजार ८ सय ३६ रहेको छ । देशभरका कोभिड अस्पतालका आइसीयूमा ६११ र भेन्टीलेटरमा १७१ जना संक्रमित उपचाररत छन् ।
सम्पर्क इमेल : nepalihealthnews@gmail.com