काठमाडौँ, ७ साउन । कोभिड – १९ को उपचारमा खटिएका स्वास्थ्यकर्मीको करार अवधी छ महिना थप गर्ने बाटो खुलेको छ । स्वास्थ्य तथा जनसंख्या मन्त्रालयले गत ३ साउनमा सचिवस्तरीय निर्णय गर्दै आवश्यकताका आधारमा करारका स्वास्थ्यकर्मीको पदावधी बढीमा ६ महिना थप्न सकिने निर्णय गरेको छ ।

कोभिड विरुद्धको अभियानका लागि धेरै स्वास्थ्य संस्थाले करारमा धेरै स्वास्थ्यकर्मीहरु भर्ना गरेका छन् । उनीहरुको करार अवधी असार मसान्तसम्म तोकिएको थियो ।