काठमाडौँ, १ असार । पछिल्लो चौबिस घण्टमा देशभर थप २ हजार ७ सय ४५ जना कोरोना संक्रमित थपिएका छन् ।

यहि अवधीमा थप ४ हजार १ सय ८७ जना संक्रमणबाट मुक्त भई डिस्चार्ज भएका छन् । नेपालमा कोरोना संक्रमणबाट निको दर ८८.३ प्रतिशत रहेको छ । त्यसैगरी आज थप ४१ जना संक्रमितले ज्यान गुमाएका छन् ।

स्वास्थ्य तथा जनसंख्या मन्त्रालयले मंगलबार जारी गरेको बिबरण अनुसार चौविस घण्टामा थप ७ हजार ४४९ जनाको पीसीआर र ५ हजार ८४१ जनाको एन्टीजेन विधिबाट गरी कुल १३ हजार २९० जनाको कोभिड( १९ परीक्षण भएको थियो । सो परीक्षणबाट कुल २ हजार ७ सय ४५ जनाको कोरोना रिपोट पोजेटिभ आएको हो ।

जसमध्ये आज काठमाडौँमा ४५५ , भक्तपुरमा १६ र ललितपुरमा ७४ जना गरी काठमाडौँ उपत्यकामा ५४५ जना थपिएका छन्।

त्यसैगरी देशभरका कोभिड अस्पतालका आइसीयूमा ९६७ जना र भेन्टीलेटरमा २८५ जना संक्रमित उपचाररत रहेको मन्त्रालयले जनाएको छ ।