शनिबार देशभर थपिए ५७६३ जना कोरोना संक्रमित, १९ जनाको मृत्यु

  • काठमाडौँ उपत्यकामा २४९५ जना थपिए
  • - नेपाली हेल्थ

     

    काठमाडौँ, १८ बैशाख । पछिल्लो चौविस घण्टामा देशभर थप ५ हजार ७ सय ६३ जनामा कोरोना संक्रमण देखिएको छ । सोही अवधीमा थप १९ जना संक्रमितको मृत्यु भएको छ । हिजो ३३ जनाको मृत्यु भएको थियो । आज थप १ हजार २ सय ८७ जना भने निको भई डिस्चार्ज भएका छन् । अहिले निको हुने दर ८५.९ प्रतिशतमा झरेको छ ।

    स्वास्थ्य तथा जनसंख्या मन्त्रालयले शनिबार जारी गरेको विवरण अनुसार १४ हजार ४ सय ३ जनाको पीसीआर बिधिबाट नमुना परीक्षण गर्दा ५ हजार ७ सय ६ जना र ५६६ जनाको एन्टीजेन परीक्षण गर्दा ५७ जना गरी थप ५ हजार ७ सय ६३ जनाको कोरोना रिपोर्ट पोजेटिभ आएको हो ।

    त्यसैगरी काठमाडौँ उपत्यकाका तीन जिल्ला मध्ये काठमाडौँमा १ हजार ९३२, ललितपुरमा ३५५ र भक्तपुरमा २०८ जना गरी २ हजार ४९५ जना थपिएका छन् ।

    यी सहित नेपालमा हालसम्म कोरोना संक्रमितको कुल संख्या ३ लाख २८ हजार ८९३ पुगेको छ । भने निको हुनेको संख्या २ लाख ८२ हजार ३८२ पुगेको छ ।

    थप संक्रमितसंगै देशभर सक्रिय संक्रमितको संख्या ४३ हजार २ सय १३ पुगेको छ । क्वारेनटीनमा ६७ जना छन् । देशभरका कोभिड अस्पतालका आइसीयूमा ४०१ र भेन्टीलेटरमा ११० जना उपचाररत छन् । नेपालमा हालसम्म कोरोना संक्रमणबाट मृत्यु हुनेको संख्या ३ हजार २९८ पुगेको छ ।


    Facebook Comment


    थप समाचार