पछिल्लो चौविस घण्टामा थपिए ४८९७ जना कोरोना संक्रमित

  • उपत्यकामा मात्रै २ हजार ४७ जनामा संक्रमण
  • - नेपाली हेल्थ

     

    काठमाडौँ, १५ बैशाख । पछिल्लो चौविस घण्टामा देशभर थप ४ हजार ८९७जनामा कोरोना संक्रमण देखिएको छ । सोही अवधीमा ७७३ जना भने निको भई डिस्चार्ज भएका छन् । अहिले निको हुने दर ८९.३ प्रतिशतमा झरेको छ ।

    स्वास्थ्य तथा जनसंख्या मन्त्रालयका सह प्रवक्ता डा समिर अधिकारीका अनुसार १३ हजार ८ सय ७९ जनाको पीसीआर बिधिबाट नमुना परीक्षण गर्दा ४ हजार ७ सय ७४ जना र ९५५ जनाको एन्टीजेन परीक्षण गर्दा १२३ जना गरी थप ४ हजार ८ सय ९७ जनाको कोरोना रिपोर्ट पोजेटिभ आएको हो ।

    त्यसैगरी काठमाडौँ उपत्यकाका तीन जिल्ला मध्ये काठमाडौँमा १ हजार ४६४, ललितपुरमा ३५१र भक्तपुरमा २३२ जना गरी २ हजार ४७ जना थपिएका छन् ।

    थप संक्रमितसंगै देशभर सक्रिय संक्रमितको संख्या ३० हजार २ सय ९ पुगेको छ । क्वारेनटीनमा ५४ जना छन् । त्यसैगरी हालसम्म १२ वटा जिल्लामा ५ सय भन्दा बढी संक्रमित र १० वटा जिल्लामा २ सय भन्दा बढी संक्रमित रहेका छन् ।

    देशभरका कोभिड अस्पतालका आइसीयूमा ३१७ र भेन्टीलेटरमा ९८ जना उपचाररत छन् ।


    Facebook Comment


    थप समाचार