देशभर एकैदिन थपिए २३५१ जना कोरोना संक्रमित

  • उपत्यकामा मात्रै १ हजार ५१ जना थपिए
  • - नेपाली हेल्थ

    काठमाडौँ, ८ बैशाख । पछिल्लो चौविस घण्टामा देशभर थप २ हजार ३५१ जनामा कोरोना भाइरस (कोभिड-१९) संक्रमण देखिएको छ । सोही अवधिमा थप २८७ जना निको भई डिस्चार्ज भएका छन् । निको हुने दर आजको दिनमा ९५.३ प्रतिशत पुगेको छ ।

    स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार ८ हजार ८४४ जनाको पीसीआर बिधिबाट परीक्षण गर्दा २ हजार २२० जना र ८०३ जनाको एन्टीजेन परीक्षण गर्दा १३१ जना गरी थप २ हजार ३५१ जनाको रिपोर्ट पोजेटिभ आएको थियो ।

    त्यसैगरी काठमाडौँ उपत्यकाका तीन जिल्ला मध्ये काठमाडौँमा ७८६, ललितपुरमा १८१ र भक्तपुरमा ८४ जना गरी १ हजार ५१ जना थपिएका छन् ।

    थप संक्रमितसंगै देशभर सक्रिय संक्रमितको संख्या १० हजार ५८२ पुगेको छ । क्वारेनटीनमा ८६ जना छन् । भने आइसीयूमा १८० र भेन्टीलेटरमा ४७ जना उपचाररत छन् ।


    Facebook Comment


    थप समाचार