काठमाडौँ, २ चैत । राष्ट्रपति विद्यादेवी भण्डारीले आज अपरान्ह कोभिड – १९ बिरुद्धको खोप लगाउने भएकी छन् ।

राष्ट्रपति भण्डारीले आज अपरान्ह ४ बजे त्रिवि शिक्षण अस्पताल महाराजगञ्ज पुगेर खोप लगाउने भएकी हुन् ।

आज दोस्रो प्राथमिकतामा परेकाहरुको पहिलो चरण खोप कार्यक्रम  शुरु भएको दश दिन पुगेको छ ।

सरकारले गत २३ फागुन देखि दोस्रो प्राथमिकतामा परेकाहरुलाई खोप शुरु गरेको थियो । सो अन्तरगर्त ६५ बर्ष माथिका जेष्ठ नागरिकलाई खोप दिन थालिएको थियो ।

२३ फागुनमै प्रधानमन्त्री केपी शर्मा ओली, उनका परिवार र मन्त्रिपरिषद्का अन्य सदस्यहरुले खोप लगाएका थिए ।