काठमाडौँ, २४ पुस । पछिल्लो चौविस घण्टामा देशभर थप ५ सय ५४ जनामा कोरोना भाइरस (कोभिड-१९)संक्रमण देखिएको छ । यही अवधीमा देशभरबाट थप ५ सय ८५ जना संक्रमणमुक्त भएका छन् ।

स्वास्थ्य तथा जनसंख्या मन्त्रालयका अनुसार देशभरका बिभिन्न प्रयोगशालामा ५ हजार २६९ जनाको पीसीआर बिधिबाट गरिएको नमुना परीक्षणका क्रममा थप ५ सय ५४ जनाको कोरोना भाइरस पोजेटिभ आएको हो ।

त्यसैगरी काठमाडौँ उपत्यकाका तीन जिल्ला मध्ये काठमाडौँमा १७१, ललितपुरमा २३ र भक्तपुरमा १३ जना गरी २०७ जनामा कोरोना संक्रमित भेटिएका छन् ।

यो संगै नेपालमा कुल संक्रमितको संख्या २ लाख ६४ हजार १५९ पुगेको छ । भने कोरोनामुक्त हुनेको संख्या २ लाख ५७ हजार २२९ पुगेको छ ।

हालसम्म देशभर सक्रिय संक्रमितको संख्या ५ हजार २१ रहेको छ । क्वारेनटिनमा ३३८ जना रहेका छन् ।

त्यसैगरी १८२ जना आइसीयूमा र ३७ जना भेन्टीलेटरमा उपचाररत छन् । होम आइसोलेसनमा १ हजार ५६१ जना छन् ।

पछिल्लो चौबिस घण्टामा कोरोना संक्रमणबाट थप ६ जनाको मृत्यु भएको छ । हालसम्म नेपालमा कोरोना संक्रमणबाट मेत्यु हुनेको संख्या १ हजार ९०९ पुगेको छ ।